أخبار مصرعاجل

الإعلامي أحمد شندي” يوجه نداء عاجل لوزير التعليم العالي”

#استغاااااثة سريعة الي رئيس جامعة سوهاج

يااااااريس انا طالب تالتة ثانوى عندى نقص اطراف ومركب اطراف صناعية .ومجموعى ناقص عن الطب حاجات بسيطة اتنين او تلاتة فى المية عن العام مجموعى محصل الخاص حاصل علي 96.44 بالمئة وانا نفسي طول عمرى ادخل كليات القمة كالطب عشان خاطرى ساعدونى وحققولى حلمى عشان خاطر ربنا ساعدنى والرئيس السيسي هو جيه ووعد ان ذوى الاحتياجات الخاصة ليهم منح دراسية فى نفس البلد . انااااا ااااهو بترجاك تساعدنى انا محدش راضى يساعدنى ولا يقف جنبي انا نفسي توصلوا صوتى لاى حد من اللى هيقدروا يساعدونى انا من حقى اخد منحة مش هفضل مظلوم طول عمرى انا مش ناقص حاجة ولا متخلف ولا اقل من اى حد اخد منحة .انا اولى بالمنحة انا اللى محتاج مش الناس السليمة .
يا اريس ساعدنى احنا المعاقين محتاجين مساعدة احنا اولى بالمنح دى
انا مش مقتدر ماديا انى ادخل خاص انا واخويا ولا انى اتغرب .اخويا هو اللى بيحركنى .انا كل اللى طالبه منكم انا عايز منحة فى كلية خاصة فى نفس البلد انا واخوياهو بردو جايب زى مجموعى العالى عشان بس يكون معايا يساعدنى امشي واتحرك
ياجماعة انا عملت كل اللى عليا عشان اجيب مجموع عالى وادخلها بمجهودى عشان اعرف ادخل الكلية اللى نفسي فيها اللى انا واثق من انى هقدر ابقي حاجة

انا مش طالب منكم فلوس ولا مساعدة انا عايز منحة ليا ولاخويا فى جامعة خاصة فى نفس البلد عشان اكون جنب اهلى لو وقعت او حصلى حاجة الاقى حد جنبي
الاسم: يسي ماهر جابر جاد
التليفون: 01110233624
01550632407 ”

فقد استغاث الطالب برئيس جامعة سوهاج ولكن نوجه الاستغاثة لوزير التعليم العالي فمن حق المتفوقين من ذوي الاحتياجات الخاصة ان يلقوا نصيبا من المنح من اجل تحقيق احلامهم، فمساندتهم تعني دعما نفسيا واجتماعيا، فهم فاعلون ومتفوقون لا يقلون عن اى من الاصحاء الملتحقين بكليات القمة، ويجب تخصيص عدد جيد من المنح الدراسية حتى يستمروا في مسيرة التفوق والارادة. ان الارادة التي يمتلكها يسي تجعله هى اكبر ضامن لاستحقاقه منحة باحدى كليات الطب.
اتمنى ان تلقى استغاثة يسي استجابة وان تصل تلك الرسالة لوزير التعليم العالي، فدعم طموح واحلام اوﻻدنا من ذوي اﻻحتياجات الخاصة امانة في اعناقنا جميعا.

اظهر المزيد
?>