مقالات الرأى

أسماء بنكيران تكتب: أَنَا مْوَحْشَاكْ…

أَنَا مْوَحْشَاكْ…
تْوَحَشْني … عَفاكْ

يَا اللِّي مْقَطَّرْ من عَينِيَّا
وْمْحَبتكْ نَخلة مَغْروسة فِيَّا

خَلـِّي عَينيكْ اتْشَهى الشُّوفَهْ فِيَّا
خَلّـِي عَينيكْ تَلْبَسْني
تَسْكُنـِّي
تَغرقْ فْ بْحورْ عَينِيَّا

خَلِّي امْواجْها … تَحْرقْني
تَسرقنِي من ذَاتـي
خَلِّيها… تزْندْ فْ دَمعاتِي

وَفْ كُلْ دَمعَة… صُورتكْ تْبَانْ
تْرقرَقْ فْ كُلْ مْكانْ
تفْرَحْ شِيبْ وْشُبـَّانْ
يَمْكنْ تْمَّ … الحُبْ يْبانْ

ا.ب

اظهر المزيد
?>
error: Content is protected !!
إغلاق