قصة الأب”الطيب” أنجب 20.. الأولاد للتسول والبنات للدعارة

أمرت نيابة أول مدينة نصر بحبس «جمال. ا» وشهرته «جمال الطيب» عاطل، و7 آخرين، 4 أيام على ذمة التحقيق لاتهامهم بتكوين شبكة للاتجار في البشر.

وجاءت تحقيقات النيابة مع المتهم جمال الطيب كالتالي:

س: اسمك وسنك؟

ج: جمال السيد، 52 سنة

س: ما قولك فيما هو منسوب اليك من اتهامات باستقطاب الاحداث من الشوارع واستغلالهم في أعمال التسول والدعارة؟

ج: محصلش هم اللى بقوا يجيولى علشان اشغلهم

س: ما قولك فيما هو منسوب اليك من اتهامات بإدارة شبكة للاتجار في البشر ؟

ج: أنا كنت بشتغل مع ولادى و3 ستات أنا متجوزهم

س: وكيف بدرت في ذهنك فكرة استغلال اولادك في اعمالك المشبوهة؟

ج: اللى حصل انا راجل غلبان، مش لاقى اكل، كنت ببيع مناديل وبغسل عربيات، ومجبتش همها، فبدات اشحت لوحدى، وبعد كده اتجوزت مراتى الأولى واللى ساعدتنى في التسول، ولما خلفنا أول عيلين، بدات هي تاخد واحد تشحت بيه وانا اخد التانى، بعد كده لقينا الشحاتة بتجيب فلوس كويسة، فقلتلها تخلف كتير، ولعدم قدرتها قالتلى اتجوز 2 ستات تانيين علشان يخلفوا أطفال كتير ويساعدونا في اعمالنا.

س: وهل قمت بالفعل بالزواج؟

ج: ايوة اتجوزت 2 وخلفت 20 عيل مش فاكر اسماءهم كلهم

س: ما تعليقك أن هذا العمل ينطوى على استغلالك لاطفالك لتحقيق مصلحة شخصية خاصة بك؟

ج: انا كنت بسرحهم واخر اليوم اخد الايراد اللى جمعوه علشان اعملهم مستقبلهم

س: ما تفاصيل استغلالك لبناتك؟

ج: البنت لما الاقيها بقى عمرها 12 سنة، ابدا ادخلها في كار الدعارة، وكان مخصص لده كام ولد بيجيبوا الزبون في الأوضة اللى احنا ساكنين فيها وبيقول للجيران في المنطقة أنه قريبنا، وكنت بقبض انا الاجر.

كانت معلومات وردت لضباط إدارة رعاية الأحداث بمدينة نصر، مفادها قيام «جمال. ا» وشهرته «جمال الطيب» عاطل، ومقيم بعزبة الهجانة بدائرة قسم شرطة مدينة نصر أول، بالاتجار في البشر.

وتبين أنه سبق اتهامه في قضية استقطاب الصبية الأحداث، والبالغين من ذوي السوابق واستغلالهم في أعمال التسول وإيوائهم بمسكنه، وتحريضهم على عدم العودة لذويهم، مستغلًا حالة ضعفهم، مما يعد جريمة اتجار بالبشر بالمخالفة للقانون رقم 64 لسنة 2010م.

وعقب تقنين الإجراءات بإشراف اللواء محمد منصور مدير المباحث، وباستهداف المذكور بمسكنه، تمكن ضباط إدارة رعاية الأحداث وبصحبتهم القوة المرافقة من ضبطه وبصحبته زوجته.

كما عثر بمسكنه على 2 كرسي متحرك خاص بالمعاقين، و2 عكاز لاستخدامهم في أعمال التسول، وأوراق مدون عليها عبارات لاستعطاف المارة، ومبالغ مالية عبارة عن 10 دولارات أمريكية، 5 ريـالات سعودية، 110 جنيهات، و7 هواتف محمولة.

تعليقات الفيس بوك

تعليقات

لا تعليقات

اترك تعليق