أمانى طلعت تكتب: خواطر انسانه

عاقله ومجنونه…
خسرانه كسبانه….
مبسوطه زعلانه….
أصل انا انسانه
انا ممكن زيطه في يوم هادي…
عصفوره تصوصو وتنادي…..
انا مخنوقه لدرجة تهد جميع اوتادي
ماهو دا العادي….ماأنا انسانه…..
انا قلبي بيصرخ من الفرحه ..
وجناين قلبي تقوم طارحه…
فستان ابيض وكمان طرحه…
انا دمعه اتحجزت في عنيا وحياءها يقول حني عليا.. خبيني في قلبك وشيليني مش عايزه الناس تشمت فيا…كل داااا عادي انا انسانه….
ونعيش إزاي من غير دمعه علي فرحه وماشيه وبتعدي…..
انا دوشه هاديه…..
وزحمه فاضيه…..
انا الدمعة وانا الفرحة في نفس الوقت….
ما انا إنسانه……
انا غصن أخضر وسط الصحرا…
ورده ودبلانه في صفحة…
أنا ضحكة طفل بينده علي أمه ،وف لحظه بتجري وبتضمه …
انا قلب عروسه بتحلم بفارسها ،و
الحلم اتحقق والفارس كان هو عريسها….

انا هشه ضعيفة ومكسورة ،انا صلبه عنيده ومنصوره…..
أنا نغمه رشيقه جميله وطايره في اغنيه، وأنا ناى زعلان رافض وبيعزف لحن حزين ورا أغنية….
ما أنا انسانه……
أنا شمس بتطلع وسط الغيم، أنا ضله في يوم كان حره أليم……
وكمان انا برد في عز الليل مش عايز يسمع للمواويل…..

بس المهم ودا الأهم انا لسه طفله وعايشه حلم ،ميهمنيش إزاي يتم بس المهم نحلم بحلم …..
أنا كل دوووووووول انا إنسانه…..

تعليقات الفيس بوك

تعليقات

لا تعليقات

اترك تعليق